( فى الاحياء الشعبيه)
تعالى يا خويا أقعد معى شويه نسمع الست شاديه
( غاب القمر يا أبن عمى يلا روحنى دى النسمه أخر الليل بتفوت وتجرحنى)
أنا موش عارف أيه اللى مقعدها مع أبن عمها لحد ما الليل مسا فين أبوهم وأمهم
أيه يا راجل انت ها تعلق دى غنوه
أيون عارف بس أصل البنات دلوقت بتعمل كده حاجه تجنن
أنا ها اتفرج على الفديو كليبز .....شيفه الستات يا فقريه
شيفه الست نانزى عجرت ......جتنا نيله فى حظنا الهباب
يا خويا حوش حوش يعنى انت اللى مروان خورى
طب اتمسى أحسنلك
أتمسيت
================================
(في الاحياء الهاى)
واووووووووووووووو بموت فى أنريكى
وانا كمان
ستايل مان يجنن
فعلا
يا ريت ينفع اتجوزه وأنا كنت خلعتك
كل شىء نصيب يا دارلنج
أنا كمن بموت فى بريتنى سبيرز شفتيها لما حلقت شعرها زلبطه ......فظيعه فظعنه
اووووووف نيو لوك يجنن
بس برده موش احلى منى
وى بعد ال6عمليات تجميل اللى عملتيهم بقيتى مون يا سويتى
وأيه يعنى أنت كمان عامل عمليتين تجميل وزرع شعر
اوك
أوك
===========================
(المثقفين)
تعالى يا عزيزى اسمع شعبان عبد الرحيم بيقول ايه
والله انا يا عزيزتى بحترم الراجل ده..... اصله راجل صاحب قضيه
بيكره اسرائيل وبيحب عمر موسى.....منتهى الانتماء
فعلا يا عزيزى هو صاحب سوابق اقصد صاحب قضيه
كفايه انه بطل يشرب سجائر وبيلعب دلوقت حديد
فعلا هو بطل يشرب سجائر بيحشش بس
وماله رجل له منطق.
============================
(الريقين بقه)
حبيبى قرب بص وبص بص.....راح اغنيلك كده كده كده للصبح
وماله يا روحى
اخصمك أه أسيبك لا وجنبى حبيبى ها تسهر يا بيبى غصب عنك
أنا ليكى على طول خليكى لى وكترى الدقه والتقليه
نعم يا كلمنتارو انت فكرنى طبق كشرى.....بفكر أتقمص منك( أزعل يعنى)
أصد أنا ليكى على طول خليكى ليه وكترى يا حبيبتى الحنيه
بيبى ممكن تبقى تجيب اللب مقشر جاهز ....انا تعبت
حاضر يا توته فروته يا قمر ها أخلى الراجل يقشرهولك...............
ولو مرديش ها أخلى ام محمد البوابه تقشرهولك هى وعيالها
تسلملى يا بيبى
